बुटवल । रुपन्देहीको भुसाल मोटर्स प्रालिले तेस्रो पटक अन्तराष्ट्रिय अवार्ड हासिल गरेको छ । रुपन्देहीको तिलोत्तमामा रहेको भुसाल मोटर्स प्रालिले लगातार तेस्रो पटक उक्त अवार्ड प्राप्त गरेको हो । प्रालिले सार्क राष्ट्रमै ट्याक्टर लगाएतका मेशीनरी उपकरण सर्वाधिक बिक्री गर्न सफल भएको भन्दै ‘सार्क कन्ट्री नम्बर १ डिलर–२०२१’ अवार्ड प्राप्त गरेको हो ।

भुसाल मोटर्स प्रालि सिएनएच इण्डष्ट्रियल ग्रुपद्वारा उत्पादित न्यू हल्याण्ड ट्याक्टर, भ्याकु लोडर र केज ब्राण्डका ट्याक्टरहरुको नेपालका लागि एक मात्र आधिकारिक विक्रेता हो ।

न्यू हल्याण्ड ब्राण्डका ट्याक्टर तथा भ्याकु लोडर र केज ब्राण्डका ट्याक्टरहरुको भारतमा पलाण्ट राखेर सन् १९९५ बाट उत्पादन गर्दै आएको इटालीको सिएनएच इण्डष्ट्रियल ग्रुपले उक्त अवार्ड प्रदान गरेको हो । कम्पनीले आइतबार टर्कीको इस्तानबुलमा आयोजित सार्क राष्ट्रस्तरीय विक्रेता भेटघाट कार्यक्रममा उक्त अवार्ड दिएको हो ।

अवार्ड कम्पनीका एसिया प्यासिफिक क्षेत्रका प्रबन्ध निर्देशक रौनक बर्माले भुसाल मोटर्स प्रा.लि.का कार्यकारी निर्देशक अंकित भुसाललाई प्रदान गरेका हुन् । यस अगाडि पनि भुसाल मोटर्सले सन् २०१९ र २०२०मा उक्त अवार्ड प्राप्त गरेको थियो ।

भुसाल मोटर्सले सन् २०२१ मा सार्क राष्ट्रका नेपालसहित भारत, बंगलादेश, भुटान मध्येमा सर्वाधिक, १२ सय ७१ वटा ट्याक्टर,२ सय वटा भ्याकु लोडर तथा १५ पिस चेन एक्साभेटर बिक्री गर्न सफल भएको भुसाल मोटर्स प्रालिका व्यवस्थापक तिलक सुवेदीले बताए ।